ବନ୍ଧୁ ମୁଁ ଲୋଡିବି ଆଉ କାହିଁକି?
କାନ୍ଦି କାନ୍ଦି ଆଖି ନାଲି ପଡିଗଲେ
ଶୁଣିଛି ମୋ ଦୁଃଖ ଆଉ କେହି କି?
ଜୀବନ ଭାର ମୁଁ ସହାସ୍ୟେ ଉଠାଏ
ସାହା ଯେ ହୁଏ ଅଦୃଶ୍ୟେ ଥାଇକି,
ଝୁଣ୍ଟି ପଡିଗଲେ ହାତ ଧରି ନିଏ
ସେ ଭୁଜକୁ କଣ ମୁଁ ଚିହ୍ନିନି କି ?
ମୁହଁ ଶୁଖିଗଲେ ମନ ବୁଝେ ଯିଏ
ସେ ମିତ ମୋହର ତୁମେ ନୁହେଁ କି?
ସବୁ କଷଣରେ ସାହା ତୁମେ ହୁଅ
ଏ କଥା କି ମୋତେ ଜଣା ନାହିଁ କି ?
ଛଅ ଖଣ୍ଡ କାଠ ଛଡା ଏ ଜୀବନେ
କିସ ଆଉ ମୋର ଲୋଡା ଅଛି କି?
ତୁମେ ପରା ମୋର ଶାଶ୍ଵତ ମଇତ୍ର
ସେ ବେଳେ ମୋ ପାଶେ ଆସିବନି କି ?
(ମୋର ପ୍ରଥମ ଭଜନ ଆଲବମ ପାଇଁ ଚୟନୀତ ଆଉ ଏକ ସମର୍ପଣ)
No comments:
Post a Comment