ଜଗତ ଉପେକ୍ଷୀ, ଆହେ ଚକାଆଖି, ତୋ ସେବାରେ ଲାଗି ଯିବି।
ଯାହା ଇଛା ବଳେ, ଆସିଛି ମହିରେ,
ସବୁ ମୁଁ ପାଇଛି, ଯାହା କରୁଣାରେ,
ଏ ବିଶାଳ ସୃଷ୍ଟି, ସୃଜନ ଯାହାର,
ମୁଁ ଯାହା କିଙ୍କର,ତୁ ସେହି ଠାକୁର,
ତୋ ଚରଣ ତଳେ, ଆନନ୍ଦରେ ପଡିଥିବି।
ଶ୍ରୀକ୍ଷେତ୍ରରେ ରହି, ତୋ ଛତ୍ରଛାୟାରେ, ଶେଷ ଜୀବନ କଟିବି।
ତୋ ସେବାରେ ଲାଗି ଯିବି।
ତୁ ଦିବ୍ୟ ଖୁସିର, ଅସରନ୍ତି ସ୍ରୋତ,
ମୋ ଆଶା ଭରସା, ତୋ ଠାରେ ନିହିତ,
ତୁ ମୋ ଅନ୍ତରର, ପବିତ୍ର ସ୍ପନ୍ଦନ
ତୋ ପାଦପଦ୍ମରେ, ଯାଇ ମୁଁ ଶରଣ,
ଆଶ୍ଵସ୍ତ ହୋଇ ମୁଁ ,ଜୀବନ ସମର୍ପି ଦେବି।
ନିଷ୍ଠାପର ହୋଇ, ଭକତିରେ ରହି, ତୋ ଆଦେଶ ପାଳିଯିବି।
ତୋ ସେବାରେ ଲାଗି ଯିବି।
copyrights pradiptapanda2015
No comments:
Post a Comment