କେମିତି କରିବ ତୋ ଭକ୍ତ ତୋର ବାହୁଡା ଯାତ ।
ଘନ ଘୋର ଘନ ଘୋଟିଛି ଦିଶେ ପ୍ରଳୟ ପ୍ରାୟ,
ଗିରି ଧରି ଗିରିଧାରୀ ହେ ଟିକେ ହୁଅ ସଦୟ ।
ଭକ୍ତ ଭଗବାନ ପୀରତି କାହିଁ ହୁଏ ଖଣ୍ଡିତ,
ଭକ୍ତ ପ୍ରୀତି ପାଇଁ ଜଗା ତୁ କଳିରେ ପ୍ରତିଷ୍ଠିତ ।
ରଥ ଚକ ଚାଲୁ ଅଚିରେ ବଡ ଦାଣ୍ଡ ଉପରେ,
ବାଧା ତିଳେ କାଲି ନ ଆସୁ ତୋର ଯାତ ବିଧିରେ ।
ବଡଦେଉଳରେ ଲକ୍ଷ୍ମୀ ମା ଛନ୍ତି ତୋ ପଥ ଚାହିଁ,
ସସ୍ନେହେ ଛପନ ଭୋଗ ସେ ରନ୍ଧିଛନ୍ତି ତୋ ପାଇଁ ।
ଏ ଲୁହ, ଏ କୋହ ବୁଝିବୁ ତୋତେ ରହିଲା ରାଣ,
ଦାସ ପ୍ରଦୀପ୍ତର ଭରସା ତୋ ଠାରେ ଅର୍ତତ୍ରାଣ ।
No comments:
Post a Comment