ଆଜି ବାହୁଡାରେ ମନ ବଳାଇଛି ଟାଣିବି ମୁଁ ତୋର ରଥ ।
ହେଲେ ହେଉ ପଛେ ପୁରୀ ମୋତେ ଦୂର ମନ କରିବିନି ଛୋଟ
ତୋତେ ପ୍ରତିଷ୍ଠିତ କରି ମୁଁ ମନରେ ଟାଣି ନେବି ଭାବରଥ ।
ଭାଇ ଭଉଣୀଙ୍କୁ ସଙ୍ଗତରେ ନେଇ ଆସିବୁ ତୁ କଳା ମୁଖ,
କ୍ଷଣକର ପାଇଁ ହେଲେ ହେଉ ପଛେ ବୁଝିଲେ ତୁ ମୋର ଦୁଃଖ।
ମହାର୍ଘ୍ୟ ପ୍ରସାଦ ମନ ନ କରିବୁ ଦେବି ବା ମୁଁ କାହୁଁ ଆଣି,
ଧୋଇବି ମୁଁ ତୋର ପଦ ପଙ୍କଜକୁ ଦେଇ ମୋ ନୟନ ପାଣି ।
ଶରଧା କୁସୁମ ଅର୍ଘ୍ୟ ତୋତେ ଦେବି ସେତିକି ମୋ ପାଶେ ଅଛି,
କେ କି ଦେଲା ମୁଁ ତା ନ ଦେଇ ପାରିଲି ବୋଲି ଭାବିବୁନି କିଛି ।
ଖୁସି ମନରେ ତୁ ବଡ ଦେଉଳକୁ ବିଜେ ହେବୁ ଲୀଳାଧର,
ତୋ କରୁଣା ପାଇ ଏ ଜୀବନେ ଧନ୍ୟ ହୋଇବ ପ୍ରଦୀପ୍ତ ଛାର ।
No comments:
Post a Comment