ଧରି ନାହିଁ ତୁମ୍ଭ ଚରଣ
ବଳି ପଡିବାରୁ ସଂସାର କଷଣ
ମାନି ନି ତୁମ୍ଭ ପ୍ରଭୁ ପଣ।
ମୋ ସାରା ସଂସାର ସୁଖ ପାରାବାର
ମୋର ଏ ସଫଳ ଜୀବନ
ଜଗତେ ଯେତେ ଯା ପାଇଛି ଠାକୁର
ସେ ସବୁ ତୁମ୍ଭ ଅବଦାନ ।
ବଞ୍ଚିଛି ମୁଁ ଆଜି ତୁମ୍ଭ ନାମ ଭଜି
ସବୁ ତୁମ୍ଭ କୃପା କାରଣ
ପ୍ରତି ନିଶ୍ବାସରେ ଭାଳେ ମୁଁ ଚିତ୍ତରେ
କେମିତି ସୁଝିବି ସେ ଋଣ।
କ୍ଷୀଣ ବଳ କ୍ଷଣ ଜୀବନ ପାଇଁ କି
ଦେବ ଋଣ ଗିରି ପ୍ରମାଣ
ଗିରିଧାରୀ ହାତ ଧରି ପଥ ଦେଖା
ପ୍ରଦୀପ୍ତ ଯାଉଛି ଶରଣ ।
ଜଗତ ରାଜା ହେ ମୁଁ ତୁମ୍ଭ ପରଜା
ଶାସନ କର ମୋର ମନ
ଭାବ କର** ଦେଇ କଲି ସମର୍ପଣ
ଏତେ ମାତ୍ର ମୋର ଅର୍ଜନ ।
* *ରାଜାଙ୍କୁ ତାଙ୍କର ପ୍ରଜା ନିଜ ମନ ଉପରେ ଶାସନର ଦାୟିତ୍ଵ ବଦଳରେ ଭାବର କର (tax) ଦେଇ ସମର୍ପଣ କଲା, କାରଣ ମାତ୍ର ଏତିକି ହିଁ ତାର ନିଜସ୍ଵ ଅର୍ଜନ।
No comments:
Post a Comment