ଚିତ୍ତ ବୃନ୍ଦାବନେ ଭାବନା ଆସେ
ଶ୍ୟାମ ଘନ ନୁହେଁ ମୋ ଦୃଷ୍ଟି ପଥରେ
ଘନଶ୍ୟାମ ଶ୍ୟାମ ଶ୍ରୀଅଙ୍ଗ କି ସେ ।
ଇନ୍ଦ୍ରଧନୁ ଉଇଁ ସେ କୃଷ୍ଣ ଘନରେ
ସତେ କି ଶିଖୀ ଚନ୍ଦ୍ରିକା ପ୍ରକାଶେ
ଚଞ୍ଚଳା ଝଟକ ନୀଳ କଳେବରେ
ପଟ୍ଟ ପୀତାମ୍ବରୀ ସଦୃଶ ଦିଶେ ।
ଧରିତ୍ରୀ ତାପକୁ ହୀନ କରିବାକୁ
ଝରିଲାଣି ଝର ଝର ହୋଇ ସେ
ମୋ ଚିତ୍ତ ଚାତକ ତୋ କୃପା ବାରିକୁ
ଅପେକ୍ଷା କରୁଛି ପ୍ରଭୁତ ଆଶେ।
ଆସ ଅବତରି ମୋ ହୃଦ ଧରାକୁ
ଆର୍ଦ୍ର କରି ତାକୁ ଭକତି ରସେ
ବହି ଚାଲୁ ମୋର ଏ ଦୁଇ ନୟନ
ଶ୍ରାବଣେ ଧାରା ଯେପରି ବରଷେ ।
ବିହାୟସେ-- ଆକାଶରେ
ଶ୍ୟାମ ଘନ --- କଳା ମେଘ
ଘନଶ୍ୟାମ ଶ୍ୟାମ ଶ୍ରୀଅଙ୍ଗ.... ଶ୍ରୀ କୃଷ୍ଣଙ୍କର କୃଷ୍ଣ ଦେହ
No comments:
Post a Comment