ରଜ ମଉଜ କରିବାକୁ ତୁମେ,
ମଟର ଗାଡିରେ ଯେବେ ଆସୁଥିବ,
ତୁମ ଗାଡି ଆଗରେ,
ମୋ ଶବଯାତ୍ରାଟା ଦେଖି ଅଟକି ଯିବ ।
କିଆ କଉଡି ବୁଣି ବୁଣି ଚାଲୁଥିବା,
ନିଶ ଉଠା ଯୁବକଟିକୁ,
ଦୋ ଦୋ ଚିହ୍ନା ହେଉ ହେଉ,
ଗାଡିର ଝରକା ବାଟେ,
ଶୋଭାଯାତ୍ରୀଙ୍କୁ ବିଚରାଟିର ପରିଚୟ ପଚାରିବ ।
ତୁମ ପରିପୂର୍ଣ ଜୀବନର,
ମୂଲ୍ୟବାନ ସମୟରୁ,
ଟିକେ କାଢି ମଶାଣିକୁ ଆସିବ,
ବିଚରାଟି ପାଇଁ ସଜା ହୋଇ ଥିବା ଜୁଇରେ,
ଚନ୍ଦନ କାଠ ଟିଏ ଦବ ।
ତୁମ ସିମନ୍ଥ ସିନ୍ଦୁର ଦାଉ ଦାଉ ହୋଇ ଜଳୁଥିବ,
ମୋ ଜୁଇର ନିଆଁ ଠାରୁ ଅଧିକ ଜୋରରେ,
ଫେରି ଯିବ ପ୍ରିୟା ତୁମେ,
"ବାବୁ" ଗୋ ତୁମ ସୁଖ ଆନନ୍ଦର ସଂସାରକୁ,
ଫେରି ଚାହିଁବନି ଟିକେ ବି ପଛ କୁ ।
ତିରିଶ ବର୍ଷ ପୁରୁଣା ଡାଇରୀ ପୃଷ୍ଠାରୁ ଯଥାବତ ।
No comments:
Post a Comment