କେଉଁ ପ୍ରୟୋଜନେ କାର୍ଯ୍ୟ କଲ ମନ୍ଦ ?
କି କହିବ ଜଗତ ନ କଲ ହେଜ,
କାଳକୁ ଅର୍ଜିଲ ଅପଯଶ ଆଜ।
କରି ରୀତି ନୀତି ପ୍ରତି ବେଖାତିର
କର୍ତା ଘରର ଯେ ରହେ ପର ପୁର।
କବାଟ ତା ପାଇଁ ନ ଖୋଲଇ କେବେ
କେଉଁଠୁଁ ଆସିଲ ଫେରି ଯାଅ ଏବେ।"
"କଥା ନାକରା କହିଲ ହେ କମଳା,
କାହିଁ ରସନା ତୁମ ଅସଂଯତ ହେଲା ?
କଳି କି ଦେବଭାବକୁ ପ୍ରଭାବିଲା,
କୋକିଳ କଣ୍ଠ କାହିଁ କର୍କଶ ହେଲା ?
କଟୁ ବଚନ ଏତେ କହି ଯେ ଗଲ,
କଚ୍ଛପ, ମତ୍ସ୍ୟ ଭ୍ରାତାଙ୍କଠୁଁ ଶିଖିଲ ।
କ୍ଷୀରାବ୍ଧିତନୟା ଏ କି କାରବାର,
କ୍ଷୟ ନୋହିବ ଏଥୁ ଯଶ ତୁମ୍ଭର ?
ଖିଆଲ ନ ରଖିଲ ଦେଢଶୁରର,
ଖେଦ ନ କଲ ନଣନ୍ଦକୁ ରୋକିବାର ।
ଖାରି ସାଗର ଜଳ ଅପେୟ ଜାଣ
ଖଟା କଟୁ ବଚନ ଅଗ୍ରାହ୍ୟ ମାନ ।
ଖରଗମନା ତୁମେ ପରା ପରମା,
ଖ୍ୟାତି ତୁମର ଅସୀମ ହେ ରମା ।
ଖଣ୍ଡି ଖିନ୍ନତା ପଥ ଦିଅ ସତ୍ଵର,
ଖାତର କରି ସୁସ୍ଥ ଲୋକାଚାରର। "
ଦ୍ରଷ୍ଟବ୍ୟ... ନୀଳାଦ୍ରିବିଜେ୧,୨,୩ ଅ ଆଦ୍ୟ ଅକ୍ଷରରୁ କ ଆଦ୍ୟ ଅକ୍ଷର ପର୍ଯ୍ୟନ୍ତ ଯାଇଥିଲା । ନୀଳାଦ୍ରିବିଜେ୪ ଖ ଆଦ୍ୟ ଅକ୍ଷରରେ ସମାପ୍ତ କଲି । ତ୍ରୁଟି ଗୁଡିକ ଜଣାଇ ଦେଲେ ଉପକୃତ ହେବି ।
ଲକ୍ଷ୍ମୀ ନାରାୟଣଙ୍କ ବିଷୟକୁ ଅଧିକ ମାନବୀୟ କରିବା ମୋର କାମ୍ୟ ।
No comments:
Post a Comment