ପ୍ରବୃତ୍ତି ନାହିଁ ମୋ, ମୁଁ ଯେ ଦୁର୍ଯୋଧନ ।
ଜ୍ଞାତ ଅଧର୍ମର ପଙ୍କିଳ ସେ ପଥ,
ନିବୃତ୍ତି ନାହିଁ ମୋ ଚରିତ୍ର ଏମନ୍ତ ।
ଜାଣିଛି ଅଧର୍ମ କର୍ମର ସରିଣୀ,
ପ୍ରବୃତ୍ତି ନାହିଁ ମୋ, ମୁଁ ବୀର ଫାଲ୍-ଗୁନୀ।
ଜାଣିଛି ଧର୍ମର କଠୋର ନିୟମ,
ନିବୃତ୍ତି ନାହିଁ ସେ ମୋ ଜୀବନ କର୍ମ ।
ମାର୍ଗର ପ୍ରଭେଦ, ଆଚାର ପାର୍ଥକ୍ୟ,
ସମ ଜ୍ଞାନେ ଭିନ୍ନ ପଥ ପ୍ରଦର୍ଶକ ।
ଶକୁନି ସହାୟ ମାନଗୋବିନ୍ଦର,
ଅର୍ଜୁନ ଆଶ୍ରୟ ସଖା ଗୋବିନ୍ଦର ।
ସତ୍ୟ, ଶୁଚି, ତପ, ଦୟା ଧର୍ମର ଚରଣ,
ଏଥୁ କ୍ଷାନ୍ତ ହେବା ଅଧର୍ମୀ ଜୀବନ,
ପ୍ରବୃତ୍ତି ନାହିଁ ଯା ସେ ଯେ ଦୁର୍ଯୋଧନ,
ନିବୃତ୍ତି ନାହିଁ ଯା ତା ନାମ ଅର୍ଜୁନ ।
No comments:
Post a Comment