ଗୋରା ହେବା ପାଇଁ ତୁମ ମନ ହେଲା ନାହିଁ କି ?
ତୁମେ ବିଧି, ତୁମେ ଶିଳ୍ପୀ, ତୁମେ ସେ ଯାଦୁକର,
ଏ ବିଶାଳ ରୂପମୟ ସୃଜନଟି ଯାହାର,
ନିଜ ପାଇଁ ଜଗଦୀଶ ଏ ବିଚାର କାହିଁକି ?
ଗୋରା ହେବା ପାଇଁ ତୁମ ମନ ହେଲା ନାହିଁ କି ?
ଗୋରା ବଳଦେବ ଭାଇ, ଗୋରା ତୁମ ଭଉଣୀ,
ଶୁଭ୍ର ତନୁଧାରିଣୀ ତୁମ୍ଭର ସହଧର୍ମିଣୀ,
ଗୌରବର୍ନା ଗୋପ ନାରୀ, ରାଧା ଗୋରୀ ନୁହେଁ କି ?
ଗୋରା ହେବା ପାଇଁ ତୁମ ମନ ହେଲା ନାହିଁ କି ?
କଳା ରାତ୍ରି ରାଣୀ, କଳା ଅପରାଜିତା ଫୁଲ,
ଅନେକଙ୍କ କାୟା କୃଷ୍ଣ, କୃଷ୍ଣବର୍ନା କଜ୍ଜଳ,
କେହି ନ ଭାବୁ ନିଉନ ସତେ ସେଥିପାଇଁ କି,
ବୁଝିଲି ବୁଝିଲି ତୁମେ କଳା ହେଲ କାହିଁକି ।
ପରମ ବିଚାରବନ୍ତ ହେ କାଳିଆ ଠାକୁର,
ବଡ ଦିଅଁ ଯେଣୁ ତୋର ଏ ମହତ ବେଭାର,
ପଚାରିବିନି ତୁମକୁ କଳା ହେଲ କାହିଁକି,
ଜଗତର ନାଥ ତୁମେ, ସଭିଙ୍କର ପାଇଁ କି ।
(ମୋ ପ୍ରଥମ ଭଜନ ଭିଡିଓ ଆଲବମର ଏକ ଚୟନୀତ ଭଜନ )
copyright 2015
No comments:
Post a Comment