ଉତ୍କଳର ତୁମ୍ଭେ ହୃଦୟ ସଙ୍ଗୀତ
ହୋଇବ ନିଶ୍ଚିତ ତୁମ୍ଭ ରଥ ଯାତ
କୋରୋନା କି ଅବା କୀଟାଣୁଟି ମାତ୍ର ।
ବିଧର୍ମୀ ଶାସନ କରି ହୀନ ମନ
ଆଣିଛି ଅତୀତେ ଶତ ବାଧା ବିଗ୍ନ
କରି ପାରି ନାହିଁ ତୋ ଗୌରବ ହତ
ତୁମ୍ଭ ଶ୍ରେଷ୍ଠପଣ ହୋଇଛି ସାବ୍ୟସ୍ତ
ଚାଲିଛି ନିରତେ ତୁମ୍ଭ ଜୟ ରଥ
ହୋଇବ ନିଶ୍ଚିତ ତୁମ୍ଭ ରଥ ଯାତ
କୋରୋନା କି ଅବା କୀଟାଣୁଟି ମାତ୍ର ।
ଗତ ବାହୁଡାରେ ତୁମ୍ଭ ବଡ ଦାଣ୍ଡ
ହୋଇ ଜଳାର୍ଣବ ବିହିଲା ଯା କାଣ୍ଡ
ତହିଁକୁ କରିଲ ଉପାୟ ତୁରିତ
ଶୁଷ୍କ ହେଲା ଜଳ ଚାଲିଲା ତୋ ରଥ
ଭକତଙ୍କ ଚିତ୍ତ ହୋଇଥିଲା ତୃପ୍ତ
ହୋଇବ ନିଶ୍ଚିତ ତୁମ୍ଭ ରଥ ଯାତ
କୋରୋନା କି ଅବା କୀଟାଣୁଟି ମାତ୍ର ।
ତାରିବାକୁ ପାପୀମାନଙ୍କ ପାତକ
ଭକ୍ତ ରଞ୍ଜନକୁ ହେ ଭବ ପାଳକ
କଳି କାଳ ପାଇଁ ହେଲ ଆବିର୍ଭୂତ
ସ୍ଵୟଂଭୂ ବିଗ୍ରହ ତୁମ୍ଭେ ଲକ୍ଷ୍ମୀକାନ୍ତ
କେ ଅବା ରୋଧିବ ତୁମ୍ଭ ଯାତ୍ରା ପଥ
ହୋଇବ ନିଶ୍ଚିତ ତୁମ୍ଭ ରଥ ଯାତ
କୋରୋନା କି ଅବା କୀଟାଣୁଟି ମାତ୍ର ।
No comments:
Post a Comment