ବୁଡିଲି ବୁଡିଲି ରଖ ପ୍ରାଣ।
ଟାଣୁଛି ମୋ ଗୋଡ ଧରି ଦୁଖ ନକ୍ର ,
ଛେଦ ଦେଇ ଦୃଷ୍ଟି ଚକ୍ର ହେ,
ପ୍ରାଣ ରଖ ନାରାୟଣ।
ତୁଳା ତୁଲ୍ୟ ହରି ମୋର ଏ କଷଣ,
ତାକୁ ବାଡବାନଳ ଆପଣ,
ନ କରି ବିଳମ୍ବ ଦାସକୁ ଉଦ୍ଧାର,
ବଡ କୃପା ହେବ ତୋର ହେ,
ଧରିଛି ତୁମ ଚରଣ।
ତ୍ରାଣ ବିଧି ଔଷଧି ତୁମେ ଜାଣ,
ବଡ କୁଶଳୀ ମୋ ଯଦୁରାଣ,
ତୁମ ବଡ ପଣେ କରିଛି ଭରସା,
ଫେଡ ମୋର ଏ ଦୁର୍ଦଶା ହେ,
କୃପା କରନ୍ତୁ ଆପଣ ।
ହାରିଲେ ହାରିବି ପଛେ ମୁଁ ଏ ପ୍ରାଣ,
ହଟିବିନି ତୁମ ଦ୍ଵାରରୁ ଜାଣ,
ନ ହେବି ମୁଁ ରୁଷ୍ଟ ଅବା ଆନ ପ୍ରାଣ
ନ କରିବି ଅଭିମାନ ହେ,
ଅକିଞ୍ଚନ ଜୀବ ଧନ।
No comments:
Post a Comment