ଧନ ମଳିଆରେ,
ତୋ ମନ୍ଦିର କେତେ ଦୂର।
ମନ ବଳାଇଛି,
ତୋତେ ଦେଖିବାକୁ,
କେତେ ଦୂର ସ୍ଵର୍ଗପୁର।
ମୁଁ ନିଜେ ଚାହିଁଲେ,
ଯାଇ ନ ପାରିବି,
ମନ ନ ଡାକିଲେ ତୋର ।
ସାତ ପାହୁଣ୍ଡରେ,
ଥିବ ତୋ ମନ୍ଦିର,
ରହିଯିବି ସାତ ଦୂର ।
ମନେ ରଖି ଥାଆ,
ବିଚରା ଦାସଟି,
ପ୍ରତୀକ୍ଷାରେ ଅଛି ତୋର।
ଆସିଲେ ତୋ ଦୟା,
ଡାକି ନେବୁ ମୋତେ,
ବାନ୍ଧି ପୀରତିର ଡୋର ।
ପ୍ରଭୁଙ୍କ ଦୟା ବିନା ତାଙ୍କ ଦର୍ଶନ ମଧ୍ୟ ମିଳେନା, ଘରୁ ବାହାରିବାର ଯୋଜନା ମଧ୍ୟ ବଦଳିଯାଏ। ତେଣୁ ତାଙ୍କ ଦର୍ଶନ ସୌଭାଗ୍ୟ ପାଇଁ ଏଠି ତାଙ୍କ କୃପା ଭିକ୍ଷା କରା ଯାଇଛି ।
( ମୋର ପ୍ରଥମ ଭଜନ ଭିଡିଓ ଆଲବମ ପାଇଁ ଚୟନୀତ ଆଉ ଏକ ନିବେଦନ )
No comments:
Post a Comment