ଶୁଣିବାକୁ ତୁମେ କିନ୍ତୁ କରିଦେଲ ମନା,
ତୁମ କଥା ଆଉ ମୋ ବ୍ୟଥାର କଥା
ମନରେ ଅବ୍ୟକ୍ତ ରହିଲା ସବୁ ଭାବନା ।
ଦେଖିବାକୁ ଚାହିଁଲନି ତୁମେ କିଛି,
ଖୋଲି ପରା ଧରିଥିଲି ମୁଁ ମନ ଆଇନା,
ଯେତେ ଭାବି ହେଲେ ବସି ଦିନରାତି,
କି ଆସିଲା ତୁମ ମନେ ଜାଣି ମୁଁ ପାରେନା ।
ଚାଲିଗଲ ନୀରବରେ ତୁମେ ଦୂରେ,
ବିରହୀର ମନ କଥା ତୁମେ କି ଜଣାନା?
ଛଟପଟ ହୀନିମାନ ଏ ଜୀବନ,
ନୀରସ ନିରୁତା ବିଷ ସବୁ ତୁମ ବିନା ।
ଭୁଲି ଯାଅ ମୋ ନାମକୁ ମୋ ସ୍ନେହକୁ,
କି ହୋଇବ ମୋର ଏଠି ତିଳେ ବି ଭାବନା
ଯହିଁ ରୁହ, ସୁଖେ ରୁହ ତୁମେ ସଦା,
ଏତିକି ମୋ ତୁମ ପାଇଁ ହରିଙ୍କୁ ପ୍ରାର୍ଥନା ।
No comments:
Post a Comment