କଥା ତ ନ ଥିଲା,
ତୁମେ ହଠାତ ଛାଡି ଚାଲିଯିବ,
ମୋ ହୃଦ କୁ ଶୂନ୍ୟତା ରେ ଭରି ।
କଥା ତ ନ ଥିଲା,
ଫଗୁଣ ମୋ ଘର କୁ ଆସିବ,
ରଙ୍ଗହୀନ ପିଚକାରୀ ଧରି ।
କଥା ତ ନ ଥିଲା,
ଦୀପାଳି ସନ୍ଧ୍ୟାରେ ମୋ ଘରକୁ ରହିବ,
ନିଶବ୍ଦତା ଓ ଅନ୍ଧକାର ଘେରି ।
କଥା ତ ନ ଥିଲା,
ମୋ ଅଗଣାର ଫୁଲ ଗଛ ସବୁ,
କୁସୁମିତ ହେବା ଆଗରୁ ଯିବେ ମରି ମରି ।
କଥା ତ ନ ଥିଲା,
ମୋ କଲମ କବିତା ପୃଷ୍ଠାରେ କାନ୍ଦି ଚାଲିବ,
ତୁମ ଗୁଣ ସୁମରି ସୁମରି ।
ଯାହା ସବୁତୁମେ କହିଥିଲ,
ଆଉ ମୁଁ ଶୁଣି ବିଶ୍ୱାସ କରିଥିଲି,
ସେ ସବୁ ପବିତ୍ର ପ୍ରେମ ଥିଲା,
କିନ୍ତୁ ପାଇଲାନି ଈଶ୍ଵର ମଞ୍ଜୁରୀ ।
No comments:
Post a Comment