ବାଧିଲା ଜାଣି କହିଲି ଛାମୁଁରେ,
ଭରଷୀ ମୁଁ ତୋର କରୁଣା ରେ,
ରଖ ବା ନ ରଖ ଅରକ୍ଷ ରକ୍ଷକ,
ଶରଣ ଗଲି ପୟରେ ହେ,
ଶରଣ ଗଲି ପୟରେ ।
ଦ୍ରୌପଦୀର ଲାଜ କୁରୁ ସଭାରେ,
ବସ୍ତ୍ର ଦେଇ ରଖିଲ ଅଚିରେ,
ମୋ ପୀଡା କି ତୁମ ଆଡ ନ ପାଇବ,
କୁହ ବାରେ ପୀତାମ୍ବର ହେ,
କୁହ ବାରେ ପୀତାମ୍ବର ।
ପାଣ୍ଡବଙ୍କୁ ଜତୁଗୃହ ଦାହରେ,
ବଞ୍ଚାଇଲ ବଡ କୌଶଳରେ,,
ଜଳି ମରୁଛି ମୁଁ ଦୁଃଖ
ଅନଳରେ,
ତ୍ରାହି ପ୍ରଭୁ ଆଦିମୂଳ ହେ,
ତ୍ରାହି ପ୍ରଭୁ ଆଦିମୂଳ ।
ତୋ ବିନୁ କେ ଅଛି ମୋର ଏ ଧରାରେ,
ଯା ପଦ ଧରିବି ବିପଦରେ,
କର୍ମ ଭକ୍ତିହୀନ ମୁଁ ଯେ ଅକିଞ୍ଚନ,
ଚାହିଁଛି ବଡ ଆଶାରେ ହେ,
ଚାହିଁଛି ବଡ ଆଶାରେ ।
No comments:
Post a Comment