ଆହେ ଭାବଗ୍ରାହୀ, ଆହେ ଭାବଗ୍ରାହୀ,
କୁହ ମୋ ଠାରେ ବିରାଗ କାହିଁ ପାଇଁ,
ଆହେ ଭାବଗ୍ରାହୀ ।
ଡାକି ଡାକି ଗଳା ଶୁଖି ମୋ ଗଲାଣି,
କାନ୍ଦି କାନ୍ଦି ଚକ୍ଷୁ ନାଲି ପଡିଲାଣି,
ସେ ଆଡକୁ ତୁମ ହେଜ ନାହିଁ,
କୁହ କାହିଁ ପାଇଁ, ଆହେ ଭାବଗ୍ରାହୀ ।
ଦିନ ଗଡି ସଞ୍ଜ ମାଡି ଆସିଲାଣି,
ଜୀବନଦୀପ ମୋ ନିଷ୍ପ୍ରଭ ହେଲାଣି,
ତୁମ କୃପାଲୋକ ହେଉନାହିଁ,
କୁହ କାହିଁ ପାଇଁ, ଆହେ ଭାବଗ୍ରାହୀ ।
କି ଦେଇ ପୂଜିଲେ ସନ୍ତୁଷ୍ଟ ହୋଇବ,
କେମିତି ଡାକିଲେ ଡାକ ମୋ ଶୁଣିବ,
ମୋ କାନରେ ବାରେ ଦିଅ କହି,
ଆହେ ଭାବଗ୍ରାହୀ, ଆହେ ଭାବଗ୍ରାହୀ ।
No comments:
Post a Comment