ବଡ ଶୁଭ ତୁମ ବାଙ୍କ ଚାହାଣି
ନନ୍ଦସୁତ ଗୋପାଳମଣି,
ଯାହାଠାରେ ତୁମ ଦୃଷ୍ଟି ଗଲା ପଡି,
ବଦଳିଗଲା ତା ଭାଗ୍ୟ କାହାଣୀ,
ନନ୍ଦସୁତ ଗୋପାଳମଣି ।
ସଖା ପଣେ ବରି ଅର୍ଜୁନ,
ସମର୍ପିଲା ତୋଠାରେ ମନ,
ଭକତି ଭାବରେ କରି ବିମୋହିତ,
ପାଇଲା ଗୀତାର ଅମୃତ ବାଣୀ,
ନନ୍ଦ ସୁତ ଗୋପାଳ ମଣି,
ବଡ ଶୁଭ ତୁମ ବାଙ୍କ ଚାହାଣି ।
ସୁଦମାର କପାଳ ବାମ,
ଭିକ୍ଷାବୃତି ଜୀବନ କର୍ମ,
ବାଲ୍ୟସଖାଠାରେ କରି କୃପଦୃଷ୍ଟି,
ଦେଖାଇ ଦେଲ ହେ ତୁମ କରଣି,
ନନ୍ଦ ସୁତ ଗୋପାଳ ମଣି,
ବଡ ଶୁଭ ତୁମ ବାଙ୍କ ଚାହାଣି ।
ଅତି ଅକିଞ୍ଚନ ତୋ ଦାସ,
ତୋ କୃପାରେ କରିଛି ଆଶ,
ରଖି ତା ବିଶ୍ଵାସ ବାରେ ଦୃଷ୍ଟି ଫେଇ,
ପୋଛିଦିଅ ତାର ଆଖିରୁ ପାଣି,
ନନ୍ଦ ସୁତ ଗୋପାଳ ମଣି,
ବଡ ଶୁଭ ତୁମ ବାଙ୍କ ଚାହାଣି।
No comments:
Post a Comment